|
3. Szene
|
Cheerleaders | |
|
Musik aus einem Ghettoblaster, Cheerleadergruppe übt ihren Tanz ein, Michelle kommandiert. |
||
| Michelle | stoppt die Musik. Das heit dir super gmacht, super, super. Das gfallt de dä Giele, eifach... s... super! | |
| Samantha | Ds Daisy und i hei no güebt gester. | |
| Daisy | I ha äxtra no dr Coiffeur abgseit derfür. | |
| Michelle | Daisy, dasch eifach... super! | |
| Roberta | Aber du hesch es doch no nid nötig gha, i ha dr d Spitzli doch letscht Wuche no gschnitte. | |
| Valerie | Du Michelle, wo geisch du i ds Solarium? Du hesch immer so ne guete Teint. | |
| Michelle | I maches mit Sälbstbrünigscrème. Das isch super! | |
| Daisy | Was, Sälbstbrünigscrème? Das hani o mal probiert, du, i ha usgseh wie nes Rüebli! | |
| Michelle | Du hesch äuä die falschi gnoh. Die vom Bellini het weniger Cara... Cora... Carotinoide, die isch... | |
| Annett | ironisch. ...suuuuper! | |
| Roberta | Übrigens, heiter’s gester im Tagblatt gseh? Dr Dave cha jitz mit dr Juniore-Nati trainiere. | |
| Samantha | Wele Dave? | |
| Daisy | Üse Dave! | |
| Roberta | Dänk dr Dave Tomanovic vo de Sharks! | |
| Michelle | Super! | |
| Valerie | U, dä möcht i mal lehre kenne. | |
| Roberta | Dä het jitz sicher ke Zyt meh für i Usgang. | |
| Annett | I ha dä scho lehre kenne. | |
| Samantha | Dr Dave? | |
| Annett | I ha ne bim Trainiere troffe. | |
| Daisy | Wo de, Annett? | |
| Annett | Uf der Finnebahn, bim Louftraining.Zieht Trainerhose und Laufschuhe an. | |
| Michelle | Girls, weimer no i Whirlpool? | |
| alle | Super! | |
| Michelle | Annettchen, bisch das Mal o derby? Oder hesch öppis Bessers vor? | |
| Annett | Ja, öppis wos meh bringt. I ga go seckle. | |
| Daisy | Ah, uf d Finnebahn. Alles klar! | |
| Annett | Dir heit doch ke Ahnig! Und übrigens: Dr Dave steit de nid uf so Barbies wie euch. Da muesch de meh biete als numme Nagellack u Lippestift.Rennt los und Song beginnt. "Gring ache u seckle" |